ISO image | កំណត់ត្រាសិលា

របៀបកំណត់ USB Flash Drive ដើម្បីដំឡើង Windows 7

12 ខែមិថុនា 2012 បញ្ចេញមតិ

សិនបើកុំព្យូទ័ររបស់លោកអ្នកប្រើប្រាស់នូវ Windows ជំនាន់ចាស់ ហើយលោកអ្នកមានបំណងចង់ ធ្វើការ Upgrade វាទៅ Windows 7 នោះលោកអ្នកប្រាកដជាមានការងឿងឆ្ងល់ថា តើត្រូវធ្វើដូចម្តេចទើបអាច ដំឡើង Windows 7 បាន បើម៉ាស៊ីនកុំព្យូទ័រនេះពុំមាន DVD Drive? ប៉ុន្តែសូមលោកអ្នកកុំព្រួយនៅពេលនេះក្រុមការងារយើងខ្ញុំនឹងបង្ហាញលោកអ្នកនូវរបៀបដំឡើង Windows 7 តាមរយៈ USB Flash Drive តាមជំហាន បន្តបន្ទាប់ដូចខាងក្រោម៖

ការដំឡើង Windows 7 តាមរយៈ Flash Drive គឺពុំខុសគ្នាទៅនឹងការដំឡើងតាមរយៈ DVD នោះទេ។ ប៉ុន្តែជំហានដំបូងលោកអ្នកត្រូវកំណត់ Flash Drive ឲ្យទៅជា Bootable Device ដែលមានផ្ទុកនូវ Operating System ជាមុនសិន។ ដូច្នេះខាងក្រោមនេះយើងខ្ញុំនឹងបង្ហាញនូវ Utilities ដែលផ្តល់នូវលក្ខណៈ ងាយស្រួល ក្នុងការបង្កើត Bootable USB Drive រួចហើយធ្វើការថតចម្លង Windows 7 ទៅក្នុង USB ផងដែរ។

ចំណាំៈ លោកអ្នកចាំបាច់ត្រូវមាន USB Flash ដែលមានទំហំយ៉ាងតិចបំផុត 4GB

Windows 7 USB/DVD Download Tool
ប្រសិនបើលោកអ្នកមានឯកសារ Windows 7 ជា ISO Image លោកអ្នកអាចប្រើ Utility មួយរបស់ Microsoft ដែលអនុញ្ញាតឲ្យលោកអ្នកប្រើដោយមិនគិតថ្លៃ ហើយងាយស្រួលក្នុងការកំណត់ Option ដើម្បីបញ្ចូល Image នោះទៅក្នុង USB Flash drive។ សម្រាប់តម្រូវការរបស់កម្មវិធីនេះគឺ៖

Windows XP SP2 ឬខ្ពស់ជាងនេះ
.Net Framework 2.0
Microsoft Image Mastering API V2 (លោកអ្នកអាចទាញយកឯកសារនេះបានតាមរយៈ Link ខាងក្រោម)

១. ដំណាក់កាលដំបូងលោកអ្នកត្រូវធ្វើការ Format Flash Drive ជា NTFS ជាមុនសិន

២. សូមដំណើរការកម្មវិធី Windows 7 USB/DVD Download Tool បន្ទាប់មកជ្រើសរើសទីតាំងរបស់ឯកសារ Windows 7 ISO ដែលស្ថិតនៅ រួចចុចប៊ូតុង Next

៣. ចុចប៊ូតុង USB Device

៤. សូម Select យក Flash drive បន្ទាប់មកចុចប៊ូតុង Begin copying

៥. ដំណាក់កាលនេះលោកអ្នកត្រូវរង់ចាំរហូតដំណើរការថតចម្លងត្រូវបានបញ្ចប់

៦. បន្ទាប់ពីដំណើរការថតចម្លងបញ្ចប់ លោកអ្នកនឹងឃើញមានឯកសារមួយចំនួននៅក្នុង Flash drive របស់ លោកអ្នក ដែលដូចទៅនឹង Installation disc ដែរ

ឥឡូវនេះលោកអ្នកអាចដំឡើង Windows 7 តាមរយៈ USB Flash drive បាន។

ប្រភពឯកសារ៖ NiDA៖របៀបកំណត់ USB Flash Drive ដើម្បីដំឡើង Windows 7

បានរៀបជា សំណុំឯកសារ ក្នុង កម្ពុជា, ការអប់រំ, ចំណេះដឹងទូទៅ, ពីនេះពីនោះ, ព័ត៌មានវិទ្យា Tagged with កម្ពុជា, ការអប់រំ, ចំណេះដឹងទូទៅ, ពីនេះពីនោះ, ព័ត៌មានវិទ្យា, ISO image, Microsoft, Microsoft Windows, operating system, USB, usb flash drive, Windows 7

ប័ណ្ណប្រកាស ក្រដាសប្រាក់គំរូថ្មី ប្រភេទ ១០០០០០ រៀល

ធនាគារជាតិនៃកម្ពុជា បោះផ្សាយ ដាក់ឱ្យចរាចរ និងប្រើប្រាស់នូវធនប័ត្រ ប្រភេទ ១០០០០០ រៀល គំរូថ្មី ក្នុងព្រះរាជាណាចក្រកម្ពុជា ។

អំពីគេហទំព័រ

‹‹កំណត់ត្រាសិលា›› បង្កើតឡើងក្នុង គោល បំណង ដើម្បើប្រមូល ព័ត៌មាន និង កំណត់ត្រា ផ្សេងៗ ដូចជា ចំណេះដឹងទូទៅ សេដ្ឋកិច្ច កសិកម្ម ប្រវត្តិសាស្រ្ត សុខភាព ។ល។ ពី ប្រភពផ្សេងៗ ដូចជា កាសែត ទស្សនាវដ្តី វិទ្យុ ទូរទស្សន៍ គេហទំព័រ ជាដើម សម្រាប់ មិត្តអ្នកអាន ទាំងអស់ ទុកជាដំណឹង បទពិសោធន៍ ចំណេះដឹងថ្មី ។ ‹‹កំណត់ត្រាសិលា›› គឺជាប្រភេទ បណ្តាល័យ អេឡិកត្រូនិកតូច មួយ ដែល ចារឹក ប្រមូលផ្តុំ រក្សាទុក និង ចែករំលែក ឯកសារ ដែលបាន ចេញផ្សាយ ជាសាធារណៈ ដល់ មិត្តអ្នកអានទូទៅ ទុកជា ចំណេះដឹង ឯកសារយោងសម្រាប់ ការសិក្សា ការងារ និង បុព្វហេតុត្រឹមត្រូវ ។ រាល់ឯកសារ ដកស្រង់ ឬ ចម្លង ពីប្រភពដទៃ នៅលើគេហទំពរ កំណត់ត្រាសិកា គឺ ត្រូវបាន បញ្ជាក់ យ៉ាងច្បាស់ អំពី ប្រភពដើម នៃ ឯកសារ ។